Ərzaq böhranı Azərbaycana necə təsir edəcək - Ekspert açıqlayır

"Hindistanın düyüyə qadağa qoyması, Rusiyanın taxıl sazişindən çıxması  ərzaq təhlükəsizliyi sahəsində problemlər yaradacaq.  Amma bu problemlər hər hansı bir böyük bir təlatümlərin yaşayacağına gətirib çıxarmayacaq. Ona görə ki yox ki, dünya ölkələri və ya dünya təşkilatları bu problemlər qarşısında nəsə iş görürlər. Ona görə ki, dünya düzəninin özü elədir ki, bu sahədə pul qazanmaq istəyən sahibkarlar özlərinin fəaliyyətinin nəticəsində bu problemlər tədricən öz həllini tapacaqdır. Misal üçün, Hindistan düyü ixracına qadağa qoyub amma Hindistanda bu işi görən sahibkarlar var. Hindistan düyü ixracına qoyduğu qadağanı uzun müddət saxlaya bilməyəcək. Çünkü Hindistanın bu qərarı bilavasitə yerli bazarın ucuz düyüylə təmin edilməsinə həsablanıb. Amma sahibkarlar da axı ucuz düyü satmaq istəməyəcək. Neçə müddət Hindistan bu qadağanı belə qüvvədə saxlaya biləcək Davamlı saxlamaq mümkün olmayacaqdır. Putinin Türkiyəyə səfəri gözlənilir və bu zaman Putin və Ərdoğan arasında taxıl sazişiylə bağlı yenidən razılıq əldə olunacaq. Taxıl sazişi ilə bağlı razılıq əldə edilməsə, Rusiya ona qarşı çıxmayan bir neçə ölkələri də özündən uzaqlaşdıracaqdır. Buna görə də, taxıl sazişi yenidən qüvvəyə minəcəkdir. Yəni taxıl sazişi dedikdə, Ukrayna taxılının dünya bazarına çıxarılması prosesisindən söhbət gedir. Rusiya isə bunun təhlükəsizliyinə təminat vermir. Bu da Rusiyanın başqa bir aqqresiyasıdır. Yəni dünyanın ərzaq ehtiyacı ilə oynamaq həsab edirəm ki, nəinki müharibə qayda qanunlarına amma eyni zamanda humanizmə də zidd bir addımdır. Amma bütün bunlar o qədər də təhlükə yaratmayacaqdır ki, artıq ciddi şəkildə hər hansısa bir böhran yaşansın”, - Eldəniz Əmirov deyib. 

Onun fikrincə,  2022-ci ilin aprel-mayında yaranan taxıl böhranı yenidən yaşana bilməz çünkü o dövrdə bu prosesin necə gedəcəyini ölkələr bilmirdi deyə müəyyən qədər problemlər yaşandı. Amma göründüyü kimi artıq 2022-ci il aprelin sonlarından bəri taxılın qiyməti enə-enə gedir. 

"Qafqazda ən böyük zərəri Ermənistan yaşayacaqdır. Ona görə ki, Ermənistan Azərbaycanla sülh sazişini bağlamayıb. Azərbaycanın isə ərzaq təhlükəsizliyi barədə heç bir problem yoxdur. Düzdür, Azərbaycanda inflasiya arz olunan səviyyədə deyil. 12,7%-dir. Cənab prezident də müşavirədə bunun aşağı salınması üçün hökümətə tapşırıqlar verdi. Zamanla görəcəyik ki, bu tapşırıqlar riayət olunubmu. Amma təəssüf ki, iqtisadi sistem elə bir sistemdir ki, onu tapşırıqlarla idarə etmək çətin olur. İqtisadi cəhətdən güclü olmaq mütləqdir ki, inflasiya yuxarı olmasın, ərzaq təhlükəsizliyi normal təmin edilsin, sahibkarlıq fəaliyyəti stimullaşdırılsın. Yəni bütün bunlar inzibati üsullarla deyil, iqtisadi qaydalarla tənzimlənməsi zəruri bir prosesdir. Azərbaycanda ərzaq təhlükəsizliyi ilə bağlı problem indiyə kimi olmayıb və indidən sonra da olmayacaqdır”, - Əmirov söyləyib. 

Azərbaycanın strateji hətlərinə baxdıqda 2 istiqamət ən önəmli istiqamətdir. Biri hərbi strategiyadır, digəri isə ərzaq təhlükəsizliyi strategiyasıdır. Bu 2 istiqamətdə Azərbaycan həmişə uğurlu siyasət aparıb və buna da davam edəcəkdir. Bu barədə Eldəniz Əmirov fikirlərini deyib. 


www.anews.az