Nigeriya Rusiyanın neft və qaz texnologiyaları ilə maraqlanır
28.07.2023 15:57
Nigeriya təkcə Rusiya şirkətlərini neft-qaz layihələrinə cəlb etməkdə deyil, həm də müvafiq texnologiyaların əldə edilməsində maraqlıdır.
"Rusiya şirkətlərinin səriştələri var, bizim resurslarımız var, lakin onlardan istifadə etmək üçün bizə Rusiya təcrübəsi və səriştələri lazımdır”, Nigeriyanın Neft və Təbii Sərvətlər Nazirliyinin daimi katibi, ölkənin OPEK-dəki rəsmi nümayəndəsi Qabriel Aduda "Rusiya-Afrika" sammiti zamanı deyib.
"Biz əməkdaşlığımıza tərəfdaş kimi qarşılıqlı fəaliyyət göstərmək üçün texnologiya və təcrübə transferini daxil etməliyik", - o vurğulayıb.
"Uzun illərdir ki, Afrika maliyyə resurslarından məhrumdur. Effektiv əməkdaşlığa nəzər salsaq, biz kredit şəklində pul deyil, layihənin maliyyələşdirilməsini istəyirik", - Aduda əlavə edib.
O, ötən gün Rusalın Nigeriyadakı fəaliyyətinin bərpası ilə bağlı danışıqların aparıldığını da bildirib.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
