Pirallahı Sənaye Parkında 130-dan çox iş yeri açılıb - Nazir
31.07.2023 14:38
Pirallahı Sənaye Parkında investisiya kapitalı 66 milyon manatdan artıq altı sahibkarlıq subyektinə rezident statusu verilib və bunlardan ikisi artıq istehsal fəaliyyətinə başlayıb. Bunu iqtisadiyyat naziri Mikayıl Cabbarov "X" hesabında paylaşıb.
O bildirib ki, Sənayə Parkının fəaliyyətində əczaçılıq sənayesinin inkişafına, əhalinin dərman vasitələrinə tələbatının ödənilməsinə, yerli istehsalın və məşğulluğun təşviqinə töhfələr verəcək.
"Buraya 36 milyon manatdan çox investisiya yatırılıb, 130-dan çox daimi iş yeri yaradılıb, 37 milyon manatlıq məhsul istehsal edilib. Mövcud layihələr üzrə 30 milyon manata yaxın investisiyanın yatırılması, 250-dən artıq iş yerinin yaradılması nəzərdə tutulur”,- nazir vurğulayıb.
Prezidnet İlham Əliyev 2016-cı ilin sentyabrın 14-də Bakının Pirallahı rayonu ərazisində Sənaye Parkının yaradılması haqqında sərəncam imzalayıb.
Pirallahı Sənaye Parkında "Həyat Farm” MMC tərəfindən 300 adda, digər birgə müəssisə tərəfindən isə birinci mərhələdə 85 adda əczaçılıq məhsulunun istehsalı nəzərdə tutulub.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
