Sabiq vitse-prezidentlərə SOCAR-da vəzifə verildi
Azərbaycan Dövlət Neft Şirkətinin (SOCAR) daha 3 keçmiş vitse-prezidentinə - Xalik Məmmədov, Yaşar Lətifov və Daşqın İsgəndərova SOCAR prezidenti Rövşən Nəcəfin müşavirləri təyin olunublar. Bu barədə "Report" məlumat yayıb.
Bundan əvvəl SOCAR-ın vitse-prezidenti vəzifəsində çalışmış Süleyman Qasımov da Rövşən Nəcəfin iqtisadi məsələlər üzrə müşaviri təyin olunub. O, həmçinin "Petkim”in İdarə Heyətinin sədri, "SOCAR Türkiyə” və "SOCAR Ukrayna” şirkətlərinin İdarə Heyətinin üzvü kimi fəaliyyətini davam etdirəcək.
Bir neçə gün əvvəl Prezident İlham Əliyev SOCAR-ın 5 vitse-prezidentinin vəzifələrindən azad olunmaları ilə bağlı Sərəncam imzalayıb.
www.anews.az