Kanadanın baş naziri Trüdo 18 illik evliliyindən sonra həyat yoldaşından ayrılıb

Kanadanın baş naziri Castin Trüdo sosial şəbəkədə 18 illik evliliyindən sonra həyat yoldaşı Sofidən ayrıldığını açıqlayıb.


"Sofi və mən bildirmək istərdik ki, bir çox mənalı və çətin söhbətlərdən sonra yollarımızı ayırmaq qərarına gəldik", - o bildirib.


O qeyd edib ki, o, həyat yoldaşı ilə bir-birinə və birlikdə qurulan hər şeyə sevgi və hörmətlə bağlı ailə adamları olaraq qalacaq.


Baş nazirin ofisi bildirib ki, cütlük rəsmi olaraq ayrılıq müqaviləsi imzalayıb və bu, cütlüyün ayrılmaq üçün qanuni qüvvəyə malik qərarıdır. Onlar da verdikləri qərarla bağlı lazımi hüquqi və etik addımların atılması üçün hər şeyi ediblər.


Boşanma zamanı ər-arvad boşanmanın maliyyə aspekti və uşaqların qəyyumluğu ilə bağlı məsələləri həll etməlidirlər.


Trudeau həmçinin üç azyaşlı övladının xatirinə şəxsi həyatına hörmət etməyə çağırıb.


Castin Trüdo 2005-ci ildə jurnalist Sofi Qreqori ilə evlənib, cütlüyün 15, 14 və 9 yaşlı üç övladı var.


Bundan əvvəl məlum olmuşdu ki, müğənni Beyonsun anası, amerikalı modelyer Tina Noulz səkkiz illik evliliyindən sonra ikinci əri, aktyor Riçard Lousondan boşanır.


​

www.anews.az