Azərbaycanda yükdaşımalar 6,5% artıb
16.08.2023 17:16
2023-cü ilin yanvar-iyulunda Azərbaycanda bütün növ avtonəqliyyat vasitələri ilə yükdaşımaların həcmi 128 milyon 276,5 min ton təşkil edib ki, bu da 2022-ci ilin 7 ayı ilə müqayisədə 6,5% çoxdur. Bu barədə Dövlət Statistika Komitəsi məlumat yayıb.
Yük daşımalarının strukturunda qeyri-dövlət nəqliyyat müəssisələrinin payı 76,8 faiz, dövlət bölməsinin payı 23,2 faiz təşkil edib. 2023-cü ilin yanvar-iyulunda qeyri-dövlət nəqliyyat müəssisələrindən yükdaşımaların həcmi 5,2 faiz artıb.
Dəmir yolu nəqliyyatı ilə 10 milyon 639,6 min ton (tranzit yüklər daxil olmaqla) daşınıb ki, bu da 2022-ci ilin yanvar-iyulu ilə müqayisədə 4,6% çoxdur.
Dəniz nəqliyyatı ilə 5 milyon 341,5 min ton (artım 24,8 faiz), avtomobil nəqliyyatı ilə 71 milyon 785,9 min ton (artım 5,1 faiz), hava nəqliyyatı ilə 168,5 min ton (azalma 38,1 faiz) müxtəlif yüklər daşınıb. Hesabat dövründə daxili neft kəmərləri ilə 23 milyon 76,5 min ton neft (artım 10,2 faiz) nəql olunub.
Daşıma həcminin qalan hissəsi magistral qaz kəmərlərinin payına düşüb.
N.Təbrizli
www.anews.az
Foto 
Video 
