Bakı Laçın dəhlizini bir istiqamətə açmaq istəyir - Paşinyan

Eyni zamanda, baş nazir bildirib ki, Bakı "müxtəlif vasitələrlə Stepanakertlə dialoqa pəl vuraraq bütün məsuliyyəti Dağlıq Qarabağdakıların boynuna qoymaq istəyir".

"Ermənistanın mövqeyi dəyişməz olaraq qalır. Dağlıq Qarabağ sakinlərinin hüquqları və təhlükəsizliyi məsələləri Stepanakertlə Bakı arasında danışıqlarda, beynəlxalq mexanizmlər çərçivəsində həll edilməlidir", - Paşinyan bildirib.

O, daha sonra bildirib ki, "Bakının Laçın dəhlizini birtərəfli qaydada açmaq niyyəti barədə etibarlı mənbələrdən məlumatı var. Söhbət insanların Dağlıq Qarabağdan çıxışına icazə verilməsindən, ölkəyə girişinin qadağan edilməsindən gedir”.

Onun sözlərinə görə, Bakının məqsədi "Dağlıq Qarabağ sakinlərini etnik təmizləmə yolu ilə deportasiya etməkdir”.

 

Azərbaycanın xarici işlər naziri Ceyhun Bayramov isə İrəvanı Azərbaycanın Qarabağ bölgəsinə malların tədarükünü siyasiləşdirməkdə ittiham edərək, bu cür yanaşmanı qəbuledilməz adlandırıb.

"Ermənistan humanitar yüklərin daşınması üçün Azərbaycanın təklif etdiyi marşrutlardan imtina edərək məsələni siyasiləşdirir. Humanitar yardımın siyasiləşdirilməsi yolverilməzdir”, -  Bayramov bildirib.

O qeyd edib ki, danışıqlar zamanı belçikalı həmkarının diqqətini BMT Təhlükəsizlik Şurasının iclasına, orada müzakirə olunanlara və söylənilənlərə cəlb edib.

Onun fikrincə, humanitar yardımı yalnız bir marşrutla qəbul etmək, digər alternativlərdən imtina etmək məsələni siyasiləşdirməkdən başqa bir şey deyil, 

"Azərbaycan bir deyil, bir neçə yoldan istifadə etməyi təklif edir”, - deyən Bayramov konstruktiv olmayan dialoqun vacibliyini qeyd edib.

Bayramov əlavə edib ki, Ermənistan Azərbaycanın sərhəddə Laçın keçid məntəqəsini yaratması və buna görə də hərbi-siyasi təxribatlara əl atması faktını qəbul edə bilməz.