28 gündə dünyada COVID-19-a yoluxma halları 38% artıb – ÜST

2023-cü ilin son 28 günündə dünyada COVID-19-a yoluxanların sayı 38% artaraq 1.412.250 nəfərə çatıb. Bu barədə Ümumdünya Səhiyyə Təşkilatı ( ÜST ) məlumat yayıb.

Son məlumatlara görə, ən çox yoluxma halı Cənubi Koreya , İtaliya , Böyük Britaniya , Avstraliya və Sinqapurda qeydə alınıb.



Ümumdünya Səhiyyə Təşkilatı mayın 5-də COVİD-19 pandemiyasının bitdiyini elan edib.
 
Azərbaycanda xüsusi karantin rejimi oktyabrın 2-nə kimi uzadılıb. COVID-19 pandemiyası ilə əlaqədar Azərbaycanda xüsusi karantin rejimi 2020-ci ilin martından etibarən tətbiq edilir.

Həmin ilin aprelindən isə ölkədə bir sıra qapanmalarla yanaşı, Azərbaycanın quru sərhədləri də bağlanıb. Hazırda pandemiya ilə bağlı məhdudiyyətlər aradan qaldırılsa da, sərhədlər 3 ildir ki, bağlıdır.
 
27 fevral 2020-ci il tarixində koronavirus xəstəliyinin Azərbaycan ərazisində yarada biləcəyi təhlükənin qarşısının alınması, profilaktik və təxirəsalınmaz tədbirlərin operativ həyata keçirilməsi məqsədilə Nazirlər Kabineti yanında aidiyyəti dövlət orqanlarının və qurumlarının rəhbər şəxslərindən ibarət Operativ Qərargah yaradılıb.
 
Gülnar