Rusiya İsveç və Almaniyaya xəbərdarlıq edib
05.09.2023 15:04
Rusiyanın Almaniya və İsveçdəki səfirlikləri bu ölkələrin hərbi şirkətlərinin Ukrayna üçün silah istehsal etmək planları ilə bağlı demarşlar edib. Bu barədə Rusiya mətbuatı ölkənin Xarici İşlər Nazirliyinin rəsmi nümayəndəsi Mariya Zaxarovaya istinadan yazıb.
Diiplomat vurğulayıb ki, bu planlar reallaşarsa, Rusiya öz təhlükəsizliyinə təhdidləri aradan qaldırmaq üçün lazımi tədbirlər görəcək.
"Rusiyanın Berlin və Stokholmdakı səfirlikləri Almaniya və İsveçin xarici işlər nazirliklərində müvafiq demarşlar edib və biz hər iki paytaxtda lazımi nəticələrin çıxarılacağından çıxış edirik", - Zaxarova bildirib.
Rusiya Xarici İşlər Nazirliyinin nümayəndəsi əlavə edib ki, Rusiya tərəfi Qərbin müvafiq planlarını Rusiya Federasiyası ilə münaqişədə iştirakının növbəti təsdiqi hesab edir.
Sentyabrın 5-də Almaniya Müdafiə Nazirliyi Almaniyanın Ukraynaya Gepard özüyeriyən zenit silahları (ZSU) üçün yeni hazırlanmış sursat göndərdiyini açıqlayıb.
Keçən həftə Ukraynanın keçmiş müdafiə naziri Oleksiy Reznikov ölkəsinin 2022-ci ilin fevralından bəri təxminən 100 milyard dollarlıq hərbi yardım aldığını bildirib.
Gülnar
www.anews.az
Oxşar xəbərlər
Oxşar xəbərlər
Foto 
Video 
