İlon Mask Ərdoğandan təklif alıb - Azərbaycana gəlişi nəyi dəyişə bilər?
18.09.2023 15:42
Türkiyə prezidenti Rəcəb Tayyib Ərdoğan "SpaceX" şirkətinin qurucusu və müdiri olan İlon Maskla Amerikada keçirilən görüşündə "Tesla"nın 7-ci fabrikinin Türkiyədə tikilməsini təklif edib. Bu barədə Türkiyə mətbuatı yazıb.
Bildirilib ki, Ərdoğan fabrikin qurulması üçün İlon Maska təkliflərini də göndərib.
Türkiyə prezidenti Rəcəb Tayyib Ərdoğan, Xarici işlər naziri Hakan Fidan və Texnologiya naziri Mehmet Fatih Kacır BMT-nin 78-ci qurultayında iştirak etmək üçün Nyu-yorka gedib.
Elon Maskın 2-6 oktyabrda "Azərkosmos”un "Qlobal çağırışlar və imkanlar: kosmosa şans verək”
mövzusunda keçiriləcək Beynəlxalq Astronavtika Konqresində iştirak etmək üçün
Azərbaycana gələcəyi bildirilir.
Azərbaycan İnformasiya və Kommunikasiya Texnologiyaları Sənayesi Assosiasiyasının İdarə Heyətinin sədri Elvin Abbasov deyir ki, İlon Maskın Azərbaycana gəlməsi ölkə üçün çox vacibdir.
"Gəlməsi barədə dəqiq məlumatı aidiyyatıqurumlar bilər. Amma onun Azərbaycana gəlməsi gözlənilir. Ehtimal olunur ki gəlsin amma gəlməyədə bilər. Elon Mask texnoloji sahədə aparıcı
şirkətlərdən birinin rəhbəridir, eyni zamanda şəxs olaraq aparıcı bir şəxsdir. Onun İKT sahəsində böyük töhvələri var və onun ölkəmizə gəlişi bir çox sahədə əhəmiyyətli prespektivlər vəd edir", - ekspert söyləyib.
Avqustun 11-də Azərbaycanın rəqəmsal inkişaf və nəqliyyat naziri Rəşad Nəbiyev amerikalı sahibkar, "SpaceX” şirkətinin qurucusu İlon Maskla görüşüb. Nazir bildirib ki, "Starlink” peyk internet xidmətinin bu il Azərbaycanda planlaşdırılan fəaliyyəti, ölkəyə məxsus peyklərin orbitə buraxılması, eləcə də bu ilin oktyabrında Bakının ev sahibliyi edəcəyi Beynəlxalq Astronavtika Konqresi ətrafında fikir mübadiləsi aparılıb.
İlon Maskın 2023-cü il mayın 9-da rəsmi "Starlink”
şirkəti Azərbaycanda açılıb.
İyulda Amerikalı milyarder və sahibkar İlon Mask dünyanın ən varlı adamları siyahısında yenidən birinci yeri tutub.
Çinar Axundzadə
www.anews.az
Foto 
Video 
