İrəvanda etiraz aksiyası davam edir, əhali ilə polis arasında toqquşma baş verib - YENİLƏNİB
19.09.2023 18:13
Ermənistanın paytaxtı İrəvanın mərkəzində, hökumət binası yaxınlığında keçirilən etiraz aksiyası böyüyür.
Bu barədə Ermənistan mətbuatı məlumat yayıb.
Məlumata görə, aksiya zamanı əhali ilə polis arasında toqquşma yaşanıb.
Aksiya davam edir, etirazçılar "Rədd ol, Paşinyan" kimi şüarlar səsləndirirlər.
16:13
İrəvanda əhali Nazirlər Kabinetinin qarşısına yığılıb və Ermənistan hökumətindən addımlar atmağı tələb edib. Bu barədə Ermənistan mətbuatı yazıb.
Hazırda şəhərdə mitinq keçirilir və 500-ə yaxın insanın toplaşdığı bildirilir.
Toplananlar hökumət əleyhinə şüarlar səsləndirir, ölkə rəhbərliyini və şəxsən baş nazir Nikol Paşinyanı onların siyasətinin Qarabağda hazırkı vəziyyətə gətirib çıxarmaqda günahlandırırlar.
"Dağlıq Qarabağda yüz mindən çox Ermənistan vətəndaşı var. Siz onları qorumalısınız, kənardan baxmayın", - etirazçılardan biri deyib.
Bundan əvvəl Azərbaycan Müdafiə Nazirliyi Qarabağda yerli antiterror tədbirlərinə başlanıldığını elan edib. Bakı bildirir ki, bu tədbirlər çərçivəsində onlar "Ermənistan Silahlı Qüvvələrinin birləşmələrinin mövqelərini, onların uzunmüddətli atəş nöqtələrini, həmçinin döyüş vasitələrini və hərbi obyektlərini ləğv etməyi” planlaşdırırlar.
Gülnar
www.anews.az
Oxşar xəbərlər
Oxşar xəbərlər
Foto 
Video 
