Azərbaycanda 450 manata xidmət edən polislər var - Deputat/VİDEO

Hazırda çox sayda polis əmək haqqı az olduğundan işlərini tərk edirlər. Xüsusilə mühafizə xidməti, Post-patrol xidməti və s. daha az əməkhaqqı ödənilir. Polis vakansiyasında həddən çox yerlər var, lakin polisə gəlmək istəyən də o qədər çox deyil. Polisdə kursant kimi təhsil alan şəxslər hərbi xidmət keçirlər, onlar burada qazandığı bilik və bacarıqları heç yerdə istifadə edə bilməyəcək. Polisdə 450 manat əmək haqqı ilə işləyənlər var. İndiki dövrdə 450 manatla yaşamaq olar? Mən bilirəm ki, son illər polisdə neqativ hallara qarşı mübarizə gücləndirilib. İnsanlar aldıqları maaşla ailələrini dolandıra bilmirlər. Hətta özlərinin dolandıra bilmirlər, nəyin ki, ailələrini. Ona görə polisdən ərizə yazıb gedirlər. Baş leytnatlar, kapitanlar 715 manata qədər maaş alırlar, bu ölkədə olan orta əmək haqqından da aşağıdır. Bu barədə düşünmək lazımdır", -  deputat "Polis haqqında” qanunda dəyişiklik edilməsi barədə qanun layihəsinə münasibət bildirərkən deyib. 

 

Gülnar Nazimqızı 

Aygün Mirakif