Azərbaycan 29 ölkənin qatıldığı “Artemis” Ay proqramına daxil deyil-Yama Kama
03.10.2023 13:08
Azərbaycan Ayda tədqiqatlar aparılması üçün həyata keçirilən 29 ölkənin "Artemis” Ay proqramına daxil deyil. Bunu Bakıda keçirilən 74-cü Beynəlxalq Astronavtika Konqresinin ikinci günündə baş tutan mətbuat konfransında Yaponiya kosmik agentliyi JAXA-nın prezidenti Yama Kama bildirib.
"Artemis” Ay proqramının prioritet həmsədrləri JAXA, ABŞ-ın Aeronavtika və Kosmik Tədqiqatlar Milli Agentliyi (NASA) və Polşa Kosmik Agentliyidir.
2022-ci ildə ABŞ Aerokosmik Agentliyinin (NASA) Aya qayıtması layihəsi olan SLS-Orion kosmik gəmisi "Artemis 1" orbitə buraxılıb.
NASA-nın Dərin Kosmos Tədqiqat Sistemlərinin ilk inteqrasiya olunmuş uçuş testini reallaşdıracaq "Artemis 1" uçuşu müvəffəqiyyətli olarsa, NASA astronavtları 2024-cü ildə Ayın ətrafında uça, 2025-ci ildə isə Aya enə biləcəklər.
Aytac Zeynalova
www.anews.az
Foto 
Video 
