İpoteka kreditlərinin sayı açıqlanıb
09.10.2023 09:46
2023-cü ilin səkkiz ayında İpoteka və Kredit Zəmanət Fondunun (İKZF) xətti ilə indiyədək 47 min 117 ipoteka krediti verilib. Bu barədə İpoteka və Kredit Zəmanət Fondunun (İKZF) məlumat yayıb.
Bildirilir ki, fondun vəsaitləri hesabına verilmiş ipoteka kreditləri üzrə məbləğ 2 milyard 812 milyon 260 min 364 manatdır.
Cari ilin yanvar-avqustunda İpoteka və Kredit Zəmanət Fondunun (İKZF) xətti ilə 349,6 milyon manat kredit verilib. Bu barədə Azərbaycan Mərkəzi Bankı məlumat yayıb.
Məlumata görə, bu 2022-ci ilin eyni dövrü ilə müqayisədə 34,8 % çoxdur.
Hesabat dövründə Fondun yenidən maliyyələşdirdiyi kreditlərin məbləği isə 41,2 % artaraq 312,2 milyon manat olub.
İl ərzində İKZF-nin istiqraz buraxmaqla cəlb etdiyi vəsaitin məbləği 41,9 % artaraq 220 milyon manata çatıb, Fonda dövlət büdcəsindən ayrılmış vəsaitin məbləği isə 8 % azalaraq 65,7 milyon manata düşüb.
Aytac Zeynalova
www.anews.az
Son xəbərlər 
Daha çox
Foto 
Video 
