Qondarma rejimin "prezidenti" - "Artsax ləğv olunmayıb"

 

""Artsax Respublikası" ləğv olunmayıb. Burada bu sənədi görən varmı? Mən başa düşmək istəyirəm, siz o sənədlə sona qədər tanışsınız? Bu sənədlə bağlı bir çox məsələlər var ki, mən onları burada qeyd edə bilmirəm. Amma sizi əmin edirəm ki, biz bu sənədin həm müsbət, həm də mənfi tərəfləri ilə tanışıq. Xalqın yaratdığı "cümhuriyyəti" heç bir sənədlə ləğv etmək olmaz. Bu suala İctimai Televiziyada açıq cavab verəcəm. Bütün bu suallara yaxın vaxtlarda cavab verəcəyəm, 20-də hərbi əməliyyatların dayandırıldığı sənəddən danışacağam. Heç kimin şübhəsi olmasın", - o bildirib. 

 

Beynəlxalq məsələlər üzrə ekspert Əziz Əlibəyli düşünür ki, Samvel Şahramanyanın açıqlaması gözlənilən idi.

 

"Növbəti mərhələ üçün mühacir hökumətin qurulması prosesinə keçəcəklər. Artıq ona start verildiyini şahidiyik. Samvel Şahramanyanın adı üzərindən o sistemi qururlar ki, dünyanı beynəlxalq donar təşkilatçıları anti-Azərbaycan şəbəkələrini birdə bu mühacir hökuməti üzərindən hədəf alsınlar. Düşünürəm ki, bunu uzun müddətli savaş səbəbinə çevirəcəklər",- ekspert vurğulayıb

 
Oktyabrın 5-də sepratçı rejimin keçmiş "rəhbərləri" Bako Saakyan və Arkadi Qukasyanı, həmçinin "parlamentin eks-spikeri" David İşxanyan barəsində Səəbail Məhkəməsi 4 aylıq həbs qərarı verib. 
 
Onlar oktyabrın 3-də  Dövlət Təhlükəsizliyi Xidmətinin əməkdaşları tərəfindən saxlanılıb.
 
Bundan əvvəl Azərbaycaın hüquq mühafizə orqanları qondarma rejimin keçmiş "preizdenti" Araik Arturyuanın saxlanması barəsində xəbər yayıb. 

Azərbaycan separatçı rejimin "xarici işlər naziri" və "prezidentinin keçmiş köməkçisi" David Babayanın, o cümlədən Ermənistanın Qarabağdakı "hərbi qüvvələri komandanının keçmiş müavini" David Manukyanın və "keçmiş dövlət naziri" Ruben Vardaryanı saxlanması ilə bağlı açıqlama yayıb. 
 
Gülnar Nazimqızı