2022-ci ildə dövlət satınalmalarına xərclənən vəsait açıqlanıb

2022-ci ildə dövlət satınalmalarına büdcədən 6,8 milyard manat vəsait xərclənib. Bunu Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli deyib.

 

2022-ci ildə Azərbaycanda ümumilikdə 12 102 sayda satınalma tətbiq edilməklə 6 779,2 milyon manat məbləğində satınalma müqavilələri "Dövlət satınalmaları haqqında” qanunla müəyyən edilmiş metodlar tətbiq edilməklə bağlanılıb ki, bu da 2021-ci illə müqayisədə satınalmaya cəlb edilmiş məbləğdən 767,5 milyon manat və yaxud 12,8 % çox, say baxımından 27 ədəd və yaxud 0,2 % azdır.

 

Prezident İlham Əliyev "Dövlət satınalmaları haqqında” qanunun tətbiqi barədə fərman imzalayıb. Qanun Azərbaycan Respublikası Konstitusiyasının 94-cü maddəsinin I hissəsinin 10-cu və 15-ci bəndlərinə uyğun olaraq, Azərbaycan Respublikasında dövlət satınalmalarının iqtisadi, hüquqi və təşkilati əsaslarını və qaydalarını müəyyən edir.

 

Qanun 2024-cü il yanvarın 1-dən qüvvəyə minir.