Qarabağda həlak olan sülhməramlıların ailəsinə 18 min manatdan çox pul veriləcək

"Biz onların ailələrini dəstəkləməyə borcluyuq. Faciədən bir ay keçsə də, unudulmasına yol vermək olmaz. Slutskinin şəxsi nəzarəti altında olan RPF sülhməramlıların qohumlarına kömək etməyə davam edəcək", - o bildirib. 

 

Bundan əvvəl, Azərbaycan Baş Prokurorluğunun açıqladığı məlumata görə, sentyabrın 20-d Tərtərin Canyataq kəndi ərazisində lokal xarakterli anti-terror tədbirlərində iştirak edən Azərbaycan Silahlı Qüvvələrinin bir qrup hərbi qulluqçusu tərəfindən mürəkkəb relyef və dumanlı-yağışlı hava şəraiti səbəbindən qanunsuz erməni silahlı birləşmələrinə məxsus olduğu zənn edilərək Rusiya Federasiyasının Sülhməramlı Kontingentinin (RSK) həmin əraziyə dislokasiya olunmuş hərbi qulluqçularının olduğu avtomobil odlu silahlarla atəşə tutulub. Hadisə nəticəsində RSK-nın 5 nəfər hərbi qulluqçusu həlak olub.

Rusiya sülhməramlıları Qarabağa 2022-ci ilin noyabrında Azərbaycan,Ermənistan və Rusiya arasında olan üçtərəfli bəyanatdan sonra yerləşdirilib. 2 min heyətlə missiyasını yerinə yetirən sülhməramlıların faəliyyəti bəyanata görə 2025-ci ildə bitir. Sülhməramlıların yerləşdirdiyi Qarabağ ərazisində dəfələrdə Ermənistanla Azərbaycan arasında gərgin vəziyyət yaranıb. Sərhəd bölgəsində atəşkəs rejimi mütəmadi olaraq pozulub. 

 

Rusiya Müdafiə Nazirliyinin son açıqlamasına görə, Qarabağda 10-dən sülhməramlılara aid olan postlar bağlanıb. 

 

Gülnar Nazimqızı