Dövlət sosial sığorta haqları üzrə daxilolmalar artıb
07.11.2023 15:57
2023-cü ilin on ayında məcburi dövlət sosial sığorta haqları üzrə daxilolmalar 4,2 milyard manatdan çox olub. Bu da ötən ilin müvafiq dövrü ilə müqayisədə 14,4 faiz və ya 532,6 milyon manat artıb. Bu barədə Dövlət Vergi Xidməti məlumat yayıb.
Bildirilir ki, qeyri-büdcə təşkilatları üzrə daxilolmalar 2022-ci ilin eyni dövrü ilə müqayisədə 15,3 faiz artaraq 2,7 milyard manat təşkil edib.
İşsizlikdən sığorta haqları üzrə daxilolmalar ötən ilin eyni dövrünə nisbətən 15,8 faiz artaraq 148,7 milyon manat olub. Qeyri-büdcə təşkilatları üzrə daxilolmalar 15,5 faiz artıb və 110,1 milyon manat təşkil edib.
İcbari tibbi sığorta haqları üzrə daxilolmalar 2022-ci ilin müvafiq dövrü ilə müqayisədə 15,6 faiz artaraq 765,3 milyon manat olub. Qeyri-büdcə təşkilatları üzrə daxilolmalar 16,8 faiz artıb və 539,2 milyon manat təşkil edib.
2022-ci ildə sosial sığorta haqları üzrə Azərbaycan büdcəsinə daxilolmalar əvvəlki illə müqayisədə 19,2 % artıb.
Aytac
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
