Mərkəzi Bank mobil tətbiqlərlə bağlı yeni qaydalar hazırlayır - Rəsmi

Mobil tətbiqlərdə köçürmələrin təhlükəsizliyini tmin etmək üçün Mərkəzi Bank "Gücləndirilmiş müştəri identifikasiya qayda”ları ilə bağlı layihə üzərində çalışır.  Bunu Mərkəzi Bankın Ödəniş sistemləri və hesablaşmalar departamentinin böyük mütəxəssisi Rəşad Qasımov deyib.  
"Mərkəzi bank mobil bankçılıqla bağlı məsələləri "Banklarda İnformasiya təhlükəsizliyinin təmin olunması qaydaları” və "Bankların daxili informasiya təhlükəsizliyi qaydaları” ilə tənzimləyir. Həmin əməliyyatların təhlükəsizliyini təmin etmək üçün hazırda "Gücləndirilmiş müştəri identifikasiya qaydası” layihəsi üzərində işləyirik.  Qanunu  təsdiq üçün təqdim edəcəyik. Bu qanunla mobil tətbiqdə qeydiyyatdan keçən zaman bankın müştərini kart sahibi olaraq necə eyniləşdiriləcəyi müəyyən ediləcək. Xüsusi identifikasiya elementləri hazırlanıb və artıq yalnız müştərinin müəyyən edilməsi üçün 2 elementdən istifadə ediləcək. Bu biometrik  (müştəriyə məxsus), bilik (müştərinin bildiyi), sahiblik kateqoriyası üzrə (müştərinin sahib olduğu hər hansı token, telefon nömrəsi) oidentifikasiya tətbiq edəcəyik”, - o, noyabrın 29-u ödənişlərin təhlükəsizliyi və kibertəhlükəsizlik təlimdə çıxışı zamanı qeyd edib. 
  
"Eyni zamanda riskli ölkələr üzrə müəyyən məhdudiyyətlər qoyulacaq. Banklar üçün də hazırda  xüsusi tələb (monitorinq sistemi) var və xidmətlərdə tətbiq edirik. Bu "Proses fəaliyyətinin tənzimlənməsi üzrə qaydalar”da mövcuddur. Birbaşa olaraq proses fəaliyyəti kart məlumatları emalının saxlanması üzrə olan qaydalardır. Həmin kart tipli məlumatların emalını həyata keçirən təşkilatların birbaşa olaraq real rejimdə monitorinq sistemi olmalıdır və  köçürənin məlumatları, risk qruplarnın məlumatları orada qeyd edilməldir”, - mütəxəssis əlavə edib.

www.anews.az