Aİ ölkələri Azərbaycandan 30 milyard kubmetrdən çox qaz alıb
29.11.2023 23:17
2020-ci ilin dekabrından Trans-Adriatik Boru Kəməri (TAP) vasitəsilə Avropaya ixrac edilən Azərbaycan qazının həcmi 30 milyard kubmetr ötüb. Bu barədə TAP konsorsiumu məlumat yayıb.
"Biz Yunanıstan, Bolqarıstan və İtaliyaya 30 milyard kubmetrdən çox qaz nəql etmişik", - konsorsium qeyd edib.
TAP kəməri Xəzər dənizinin Azərbaycan sektorundakı "Şahdəniz” yatağından hasil edilən qazın "Mərhələ-2” çərçivəsində Avropaya nəqli üçün nəzərdə tutulub.
2022-ci ildə Azərbaycan qaz ixracını 18% - 22,3 milyard kubmetrədək artırıb, Avropaya tədarük 11,4 milyard kubmetr (+39%) təşkil edib. 2023-cü ildə Azərbaycandan 24,5 milyard kubmetr qaz ixracı planlaşdırılır ki, bunun da 12 milyard kubmetrdən çoxu Avropaya göndəriləcək.
Hazırda Aİ-nin Azərbaycan qazının alıcıları İtaliya, Yunanıstan, Bolqarıstan, Rumıniya və Macarıstandır.
N.Təbrizli
www.anews.az
Foto 
Video 
