Naxçıvanda vergi daxilolmaları artıb
12.12.2023 11:45
2023-cü ilin on bir ayında Naxçıvan Muxtar Respublikasında vergi daxilolmaları 150,4 milyon manat təşkil edib. Bu da ötən ilin eyni dövrü ilə müqayisədə 29% çoxdur. Bu barədə İqtisadiyyat Nazirliyi yanında Dövlət Vergi Xidməti məlumat yayıb.
Cari ilin yanvar-noyabrında Dövlət Vergi Xidmətinin (DSX) xətti ilə Azərbaycanın dövlət büdcəsinə vergi daxilolmaları 4,1% artaraq 15 milyard 337,7 milyon manat təşkil edib. Bu barədə iqtisadiyyat naziri Mikayıl Cabbarov bildirib.
O bildirib ki, bu ilin 11 ayının yekunlarına əsasən, Dövlət Vergi Xidmətinin xətti ilə büdcəyə vergi daxilolmaları 15 milyard 337,7 milyon manat təşkil edib. Bunun 9 milyard 15,8 milyon manatı (artım 18,9%) qeyri-neft-qaz sektorunun payına düşüb.
2023-cü ilin yanvar-noyabrında Dövlət Vergi Xidməti üzrə yığımların 58,8 faizi qeyri-neft-qaz sektoru tərəfindən təmin edilib.
2023-cü il üçün Dövlət Vergi Xidmətinin xətti ilə dövlət büdcəsinə daxilolmalar 14,9 milyard manat nəzərdə tutulub.
Aytac Zeynalova
www.anews.az
Foto 
Video 
