• $ 1.7
  • € 1.9786
  • ₽ 0.021157
  • ₺ 0.0414
  • £ 2.2956

Azərbaycanda qış turizm mövsümünə start verilib

Azərbaycanda qış turizm mövsümünə start verilib
16.12.2023 14:56
Dekabrın 16-17-də Dövlət Turizm Agentliyinin təşkilatçılığı ilə Azərbaycanda qış turizmi mövsümünün açılışı və turizm imkanlarının tanıdılması məqsədilə kütləvi informasiya vasitələri nümayəndələri üçün "Şahdağ” Turizm Mərkəzinə iki günlük mediatur təşkil edilib.

Mediaturun məqsədi Azərbaycanda qış turizminin təşviqi, turizm məhsullarının tanıdılması, bu sahəyə marağın artırılması, eləcə də "Şahdağ” Turizm Mərkəzinin qış mövsümünə hazırlıq imkanları, həyata keçirilən işlər və yeniliklər haqqında ictimaiyyəti məlumatlandırmaqdır. Tədbir çərçivəsində media nümayəndələrinə "Şahdağ” Turizm Mərkəzinin 2023-cü il üzrə fəaliyyətinə dair video təqdimatı nümayiş olunub, kompleksdə həyata keçirilən yenidənqurma və infrastruktur işləri haqqında ətraflı məlumat verilib.
 
Tədbirdə çıxış edən "Şahdağ Turizm Mərkəzi” QSC-nin sədri Rüstəm Nəcəfov bu qış mövsümündən xizək həvəskarları üçün uzunluğu 1 800 metr olan və müxtəlif beynəlxalq xizək yarışlarının keçirilməsi üçün nəzərdə tutulan xüsusi yeni yamacın istifadə verildiyini, eyni zamanda kompleksdə fəaliyyət göstərən xizək yamaclarının daim qarla təmin olunması üçün qar generatorlarının sayının 449-dan 488-ə çatdırıldığını bildirib. O, həmçinin bu il "Şahdağ” Turizm Mərkəzinin qlobal turizm bazarlarına çıxış imkanlarının genişləndirilməsi və turist cəlbediciliyinin artırırılması məqsədi ilə Rusiya, Qazaxıstan və Özbəkistanın dağ kurortlarını özündə birləşdirən Avrasiya Dağ Kurortları Alyansına üzv seçildiyini və gələcəkdə bu əməkdaşlığın Azərbaycanın qış turizminin inkişafına müsbət təsir göstərəcəyini qeyd edib.

Tədbirdə media nümayəndələrinə 2024-cü ilin mart ayında Şahdağda ilk dəfə olaraq xizək alpinizmi üzrə Beynəlxalq Xizək Alpinizm Federasiyasının ("ISMF”) beynəlxalq seriya yarışının keçiriləcəyi haqqında məlumat verilib.

Təqdimat zamanı "Şahdağ” Turizm Mərkəzinin əsas hədəfinin yerli və əcnəbi ziyarətçilərin sayında müsbət dinamikaya nail olmaq, müştəri məmnunluğunu artırmaq, ölkədaxili və ölkəxarici tanıtım fəaliyyətlərini intensivləşdirmək, xüsusilə Şahdağı təkcə qış turizmi baxımından deyil, il boyu fəaliyyət göstərən turizm mərkəzi olaraq təbliğini genişləndirməkdən ibarət olduğu diqqətə çatdırılıb.

Mediaturda KİV nümayəndələrinin maraq doğuran sualları cavablandırılıb. İki günlük tədbir çərçivəsində KİV nümayəndələri hotellər, turizm mərkəzində qonaqlara təklif olunan müxtəlif əyləncələr ilə tanış olub, xizək vasitələri, kanat yolları, müxtəlif attraksionlar və qış əyləncələrindən istifadə ediblər.

Mediatur çərçivəsində, həmçinin qış mövsümünün açılışı ilə əlaqədar olaraq Rusiya, Belarus, Özbəkistan, Qazaxıstan və Serbiyadan, eləcə də bir sıra Yaxın Şərq ölkələrindən dəvət olunan 90-a yaxın turizm nümayəndəsi və blogerlər, həmçinin xarici tərəfdaş kurortların 12 üzvü iştirak edib.

2023-cü ilin yanvar ayından dekabr ayının 15-ə kimi "Şahdağ” Turizm Mərkəzində hotellerde gecələyənlərin sayı 67 821 nəfər, mərkəzə səfər edən qonaqların ümumi sayı isə 158.506 nəfər təşkil edib.

www.anews.az
Oxşar xəbərlər
Oxşar xəbərlər
AZAL Maldivlərə birbaşa uçuşları bərpa edir
Cəmiyyət 18:05
AZAL Maldivlərə birbaşa uçuşları bərpa edir
Bu yolda hərəkət məhdudlaşdırılacaq- Sürücülərin nəzərinə!
Cəmiyyət 17:45
Bu yolda hərəkət məhdudlaşdırılacaq- Sürücülərin nəzərinə!
Valideynləri tərəfindən döyülən körpəsüni nəfəs aparatına qoşuldu
Cəmiyyət 17:33
Valideynləri tərəfindən döyülən körpəsüni nəfəs aparatına qoşuldu
ABB Beynəlxalq Proqramlaşdırma Müsabiqəsinə
tərəfdaşlıq dəstəyi verir
Cəmiyyət 16:09
ABB Beynəlxalq Proqramlaşdırma Müsabiqəsinə tərəfdaşlıq dəstəyi verir
Lisey və gimnaziyalara II mərhələ üzrə qəbul nəticələri açıqlandı
Cəmiyyət 14:47
Lisey və gimnaziyalara II mərhələ üzrə qəbul nəticələri açıqlandı
Debet kartları artır, kredit kartları azalır – nağdsız dövriyyə yüksəlir
Cəmiyyət 14:00
Debet kartları artır, kredit kartları azalır – nağdsız dövriyyə yüksəlir
Bakı metrosunda yeni ödəniş sisteminə keçid müzakirə olunur
Cəmiyyət 13:04
Bakı metrosunda yeni ödəniş sisteminə keçid müzakirə olunur
Şəhəraltı nəqliyyatda modernləşmə: daha 4 qatar istifadəyə verilir
Cəmiyyət 12:59
Şəhəraltı nəqliyyatda modernləşmə: daha 4 qatar istifadəyə verilir
Sabahın hava proqnozu açıqlanıb
Cəmiyyət 12:44
Sabahın hava proqnozu açıqlanıb
Anews TV

Rəsmi Youtube kanalımız

Abunə ol