Meyvə-tərəvəz ixracından əldə olunan gəlir artıb

2023-cü ilin on bir ayında Azərbaycan 641 milyon 188 min dollar dəyərində 641 min 740 ton meyvə-tərəvəz ixrac edib, bu da ötən ilin müvafiq dövrü ilə müqayisədə ölkədən ixrac edilən meyvə-tərəvəzin dəyəri 47.8 milyon dollar, həcmi isə 12.2% və ya 6.6 min ton artıb. Bu barədə Dövlət Gömrük Komitəsinin hesabatında bildirilib.

 

Hesabat dövründə əsas ixrac olunan meyvə-tərəvəz məhsulları 150.8 milyon dollar dəyərində tomat (127.4 min ton) , 97.4 milyon dollar dəyərində meşə fındığı (18.9 min ton), 89.4 milyon dollar dəyərində xurma (118.5 min ton), 44 milyon dollar dəyərində alma (69.2 min ton ), 35 milyon dollar dəyərində kartof (78.2 min ton), 25 milyon dollar dəyərində nar (18 min ton) olub.

2023-cü ilin yanvar-noyabrında meyvə-tərəvəzin ümumi ixracda xüsusi çəkisi 2.03%-ə, qeyri-neft məhsullarının ixracında olan çəkisi isə 21.14%-ə bərabər olub.

 

2021-ci ildə Azərbaycan 2020-ci illə müqayisədə 5,7% çox - 641,6 min ton meyvə-tərəvəz ixrac edib. Ötən il bu məhsulların ixracından əldə olunmuş gəlir əvvəlki illə müqayisədə 3,7% çox - 630,4 milyon ABŞ dolları təşkil edib.

Bu ilin yanvarında Azərbaycan 43 805 ton meyvə-tərəvəz ixrac edərək 52,8 milyon dollar gəlir əldə edib. Bu isə ötən ilin eyni dövrünə nisbətən müvafiq olaraq 27,3% və 42,5% çoxdur.