Türkiyə qarşıdakı 5 ildə Qars-Naxçıvan dəmir yolunun tikintisini gözləyir
21.12.2023 15:09
Türkiyə Qars-Naxçıvan dəmir yolu tikintisi layihəsini qarşıdakı 5 il ərzində həyata keçirməyi gözləyir, - deyə ticarət nazirinin müavini Özgür Volkan Ağar bildirib.
"Biz Qars-Naxçıvan dəmir yolunun tikintisini yaxın 5 il ərzində başa çatdırmağı hədəfləyirik. Dəmir yolunun uzunluğu 224 km olacaq, Qars-Naxçıvan dəmir yolunda qatarların sürətinin 160 km/saat olacağını gözləyirik”, - deyə Volkan Ağar bildirib.
Nazir müavini əlavə edib ki, bu layihənin həyata keçirilməsi böyük əhəmiyyət kəsb edir, çünki Naxçıvandan keçən bu dəmir yolu "Mərkəzi və Cənub-Şərqi Asiya ölkələrini bütün Avropa ilə birləşdirəcək”.
Xəbər verdiyimiz kimi, Azərbaycan və Türkiyə prezidentləri İlham Əliyev və Rəcəb Tayyib Ərdoğan 25 sentyabr 2023-cü il tarixində "Azərbaycan və Türkiyə arasında Qars-Naxçıvan dəmir yolu layihəsinə dair Niyyət Protokolu”nu imzalayıblar.
N.Təbrizli
www.anews.az
Son xəbərlər 
Daha çox
Foto 
Video 
