2040-ci ilə qədər qəbistanlıqların ərazisi artırılacaq
08.01.2024 10:38
2040-ci ilə qədər qəbirstanlıq ərazilərin sahəsi 130 ha genişləndirilməsi tələb olunacaq. Bu barədə Bakı şəhərinin 2040-cı ilədək inkişafına dair Baş planında qeyd olunub.
Həmçinin qeyd olunub ki, şəhər qəbirstanlıqlarının sahəsi təxminən 832 hektara çatdırılacaq. Bu rəqəm əhalinin sayının artımı ilə əlaqələndirilir.
Hazırda qəbistanlıq əraziləri Nazirlər Kabinetinin Qərarı ilə təsdiq edilmiş "Qəbiristanlıqların salınması və idarə olunması Qaydaları”nda qeyd edilən normalarla uyğunluq təşkil edilir. Baş Planda əhalinin hər 1000 nəfərinə 0,24 ha qəbiristanlıq sahəsi qəbul edilib və ərazi olaraq 800 hektar ərazini əhatə edir.
Azərbaycanda hazırda dəfn pulu pensiyçılar üçün 800 manat, pensiyaya çıxmayan şəxslər üçün isə 500 manat müəyyən edilib.
Bundan əvvəl deputat Siyavuş Novruzov Azərbaycanda dəfn pullarının məbləğinin az olmasına narazılıq ifadə edib. O bildirib ki, bu məbləğlə ölən adamın xərclərini qarşılamaq olmur.
Gülnar Nazimqızı
www.anews.az
Oxşar xəbərlər
Oxşar xəbərlər
Foto 
Video 
