Qarabağda çalışan sahibkarları dəstəkləyəcək yeni mexanizmi yaradılıb

2024-cü ildə Sahibkarlığın İnkişafı Fondu tərəfindən işğaldan azad edilmiş ərazilərində fəaliyyət göstərən sahibkarlar üçün yeni dəstək mexanizmi yaradılıb. Bunu Sahibkarlığın İnkişafı Fondunun İdarə Heyətinin Sədri Osman Xaliyev deyib.

"Bu mexanizm çərçivəsində 500 milyon manatlıq kredit portfelinin 90 %-i təşkil edən  450 milyon manatlıq hissəsinə zəmanət verilməsi nəzərdə tutulur və zəmanət verilmiş kreditlərə 150 milyon manata qədər subsidiya veriləcəyi proqnozlaşdırılır. Güzəştli kreditlərin maksimal məbləği 5 milyon manat, maksumal müddəti isə 7 ildir", - Xəliyev  əlavə edib.

Sədrin sözlərinə görə, mexanizmin tətbiqinə gələn aydan başlanacaq.

2023-cü ildə sahibkarlara dəstək mexanizmi 3 istiqamətdə fəaliyyət göstərib.

"Bu istiqamətlərə güzəştli kreditlərin ayrılması, dövlət zəmanətli kreditlər üzrə subsidiyaların verilməsinin davam etdirilməsi,  mövcud kredit portfelinin subsidiyalaşdırılması daxildir" , - o əlavə edib.

Sədr qeyd edib ki, qarşıdakı planlar siyahısına sənaye istehsalının emalı, logistika xidmətləri, yaşıl layihələrin dəstəklənməsi və s.  işlər daxil edilib.

Eyni zamanda o bildirib ki, sənayenin inkişafı prioritet olaraq qalacaq.

Onun sözlərinə görə, 2021-2023 cü illərdə sahibkarlara dəstək istiqamətində artım özünü göstərir.

www.anews.az