Azərbaycan 3,4 tondan çox qızıl ixrac edib
22.01.2024 17:46
2023-cü ilin 11 ayında Azərbaycan dünya bazarlarına 3420,39 kq qızıl ixrac edib ki, bu da 2022-ci ilin 11 ayının göstəricisindən 6,2% azdır. Bu barədə Dövlət Statistika Komitəsindən "İnterfaks-Azərbaycan” agentliyinə bildirilib.
İxrac edilən qızılın dəyəri 143 milyon 145,76 min dollar (azalma 8,3%) təşkil edib. .
Hesabat dövründə qızıl ixracının bütün həcmi İsveçrənin payına düşüb.
2022-ci ildə Azərbaycan dünya bazarlarına 185 milyon 249,68 min dollar (azalma 8,5%) dəyərində 5 482,68 kq qızıl (2021-ci illə müqayisədə 9,9% azalma) ixrac edib.
Azərbaycanda qızıl hasilatı hazırda iki şirkət tərəfindən həyata keçirilir. O cümlədən, 1997-ci il avqustun 21-də Azərbaycan 6 yatağın işlənməsini nəzərdə tutan müqavilə imzalayıb. Müqavilədə Azərbaycanın payı 51%, Anglo Asian Mining PLC - 49% təşkil edir. Hazırda Anglo Asian Mining PLC Azərbaycanda 8 müqavilə sahəsinin işlənməsi hüququna malikdir.
Bundan əlavə, qızıl hasilatı Azərbaycan prezidenti İlham Əliyevin 11 fevral 2015-ci il tarixli fərmanı ilə yaradılmış "AzerGold” QSC tərəfindən həyata keçirilir.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
