Deputat Milli Məclisin bəyanatında qeyd olunan təklifləri hökuməti icra etməyə çağırıb - Video
01.02.2024 11:26
Azərbayacana qarşı niyyətlərini həyata keçirə bilməyən Avropa Şurası Parlament Assambleyasındakı (AŞPA) estafeti başqa ölkələrə ötürüb. Bunu deputat Cavanşir Ferziyev deyib.
"Son 3 ildə beynəlxalq təşkilatlar Azərbaycana qarşı sülh istiqamətində dəstək olmayıb. AŞPA-nın qərəzli mövqeyi də buna sübutdur. Aydındır ki, bu Fransanın ideasıdır. Hazırda niyyətlərini həyata keçirə bilməyən AŞPA estafeti digər ölkəərə ötürüb. Niderland Parlamentində Azərbaycanın əlehinə qərəzli fikirlər səsləndirilir. Milli Məclisin AŞPA-ya qarşı bəyanatı alqışalayiqdir. Təklif edirəm ki, hökumət həmin bəyanatda verilən təklifləri nəzərdən keçirsin”, - deputat fevralın 1-də Milli Məclisin plenar iclasında deyib.
Bundan əvvəl Milli Məclis AŞPA-nın Azərbaycana qarşı münasibətinə cavab olaraq sankisiyalar tətbiq edilməsini təklif edib.
Yanvarın 22-də Avropa Şurası Parlament Assambleyası (AŞPA )Almaniyanın təşəbbüsü ilə Azərbaycan nümayəndə heyətinə qarşı sanksiyalar tətbiq etməyi planlaşdırdığını açıqlayıb.
Yanvarın 24-də Azərbaycan Respublikasının Avropa Şurası Parlament Assambleyasındakı (AŞPA) nümayəndə heyətinin Strasburqdakı binasında bəyanatında AŞPA-da mövcud olan dözülməz irqçilik, Azərbaycanofobiya və İslamofobiya mühiti fonunda AŞPA ilə əməkdaşlığı və təşkilatda iştirakını qeyri-müəyyən müddətə dayandırmaq qərarına gəldiyi deyilib.
Gülnar Nazimqızı
www.anews.az
Oxşar xəbərlər
Oxşar xəbərlər
Foto 
Video 
