Azərbaycanda 4 milyona yaxın daşınmaz əmlak dövlət qeydiyyatına alınıb
05.02.2024 15:37
2023-cü ildə Azərbaycanda 477 351 daşınmaz əmlak üzərində mülkiyyət hüququ dövlət qeydiyyatına alınıb, bu da 2022-ci illə müqayisədə 25 % çoxdur. Bu barədə İqtisadiyyat Nazirliyi yanında Əmlak Məsələləri
Dövlət Xidməti məlumat
verir.
Məlumata görə, bunlardan 943 362-si ilkin qeydiyyat, 2 683 970-i təkrar qeydiyyatın payına düşüb.
Son 18 ildə mülkiyyət hüququ qeydiyyata alınmış əmlaklardan 623 726-sı fərdi yaşayış və bağ evi, 1 064 199-u mənzil, 1 783 097-si torpaq sahəsi, 77 784-ü qeyri-yaşayış sahəsi, 67 628-i qeyri-yaşayış obyekti, 12 694-ü əmlak kompleksi, 919-u çoxmərtəbəli yaşayış binası olub.
Azərbaycanda daşınmaz əmlakın dövlət qeydiyyatı üzrə ən yüksək göstərici ardıcıl olaraq 2023, 2022, 2021, 2019 və 2020-ci illərdə qeydə alınıb.
Ötən il daşınmaz əmlaka dair 378 102 ədəd texniki sənəd (texniki pasport, torpaq sahəsinin planı və ölçüsü), 278 129 ədəd məhdudlaşdırmaya (yüklülüyə) dair dövlət reyestrindən arayış, 119 733 ədəd əhaliyə xidmətlə bağlı müxtəlif arayışlar tərtib olunub, 81 762 ədəd ipotekaya qoyulmuş əmlakın dövlət qeydiyyatı aparılıb.
2023-cü ildə daşınmaz əmlakın dövlət qeydiyyatına alınması hesabına dövlət büdcəsinə əvvəlki illə müqayisədə 12,6% çox, yəni 32 milyon 240 min 234 manat rüsum ödənilib.
Çiçək Sadatova
www.anews.az
Foto 
Video 
