2023-cü ildə Azərbaycana pul köçürmələri 2,2 dəfə azalıb
27.02.2024 15:16
2023-cü ildə Azərbaycana pul köçürmələrinin həcmi, ilkin hesablamalara görə, 1 milyard 655 milyon dollar təşkil edib ki, bu da 2022-ci ilin göstəricisindən 2,2 dəfə azdır. Bu barədə Mərkəzi Bank məlumat verib.
"2023-cü ildə Azərbaycana pul köçürmələrinin həcmi, ilkin hesablamalara görə, 2022-ci ildəki 3 milyard 620 milyon dollara qarşı 1 milyard 655 milyon dollar təşkil edib”, - Mərkəzi Bankdan bildirilib.
Eyni zamanda, 2023-cü ilin birinci rübündə Azərbaycana pul köçürmələrinin həcmi 442,1 milyon dollar, ikincidə 447,9 milyon dollar, üçüncüdə 391 milyon dollar, dördüncü rübdə 374 milyon dollar təşkil edib.
2022-ci ildə fiziki şəxslərdən Azərbaycana pul köçürmələri 3,62 milyard dollar təşkil edib ki, bu da 2021-ci illə müqayisədə 3,2 dəfə çoxdur.
N.Təbrizli
www.anews.az
Son xəbərlər 
Daha çox
Foto 
Video 
