Paşinyan Bağanıs Ayrıma gedib
25.05.2024 13:02
Ermənistanın Baş naziri Nikol Paşinyan Tavuş vilayətinə səfər edib.Bu barədə "Azatutyun” məlumat yayıb.
Bildirilir ki, Paşinyan Bağanis (Bağanıs Ayrım) kəndində yerli məktəbdə görüş keçirəcək.
Məlumata görə, hüquq-mühafizə orqanlarının əməkdaşları məktəbə heç kəsi buraxmır. Polislər binaya daxil olmağa nail olan erməni jurnalist Ani Gevorkyana qarşı güc tətbiq edərək onu məktəbdən çıxarıb.
Paşinyanın Bağanisdən sonra Berkaber (ER) - Qızılhacılı (AR), Voskepar (ER) - Aşağı Əskipara (AR) və Kirants (ER) – Xeyrımlı (AR) kəndlərinə səfər edib-etməyəcəyi hələ məlum deyil.
Mayın 24-də Azərbaycanın Qazax rayonunun Bağanıs Ayrım, Aşağı Əskipara, Xeyrımlı və Qızılhacılı kəndlərinin əraziləri Azərbaycan Dövlət Sərhəd Xidməti tərəfindən nəzarətə götürülüb.
www.anews.az
Foto 
Video 
