Təbii qazın ixrac coğrafiyası genişləndiriləcək - Əliyev
04.06.2024 13:43
Azərbaycan qaz ixracı ilə bağlı coğrafiyasını genişləndirməyi planlaşdırır. Bunu Azərbaycan Prezidenti İlham Əliyev deyib.
"Bu gün səkkiz ölkə, o cümlədən altı Avropa ölkəsi Azərbaycan qazının idxalçısıdır”, - Əliyev iyunun 4-də Bakı Enerji Həftəsi çərçivəsində 29-cu Beynəlxalq "Xəzər Neft və Qaz” və 12-ci Xəzər Beynəlxalq "Enerji və Yaşıl Enerji” sərgilərinin açılışında çıxışı zamanı deyib.
Prezident bildirib ki, cari ildə ölkə qazının ixrac həcmi 24 milyard kubmetri keçəcək.
2020-ci il dekabrın 31-də Azərbaycan Cənub Qaz Dəhlizinin bir hissəsi olan Trans-Adriatik Boru Kəməri ilə Avropaya kommersiya qazının tədarükünə başlayıb.
Azərbaycan qazının alıcıları Bolqarıstan, Macarıstan, Yunanıstan, Gürcüstan, İtaliya, Rumıniya, Serbiya və Türkiyədir.
Gülnar Nazimqızı
www.anews.az
Foto 
Video 
