Macarıstan Azərbaycanın "Şahdəniz" qaz yatağında 5% pay alıb

Macarıstanın dövlət enerji şirkəti  MVM Azərbaycanın Şahdəniz qaz yatağında 5% pay alıb. Bu barədə şirkətin çərşənbə günü yaydığı məlumatda deyilir.

"5 iyun 2024-cü il tarixində "Cənub Qaz Dəhlizi" QSC ("SGC”) və Macarıstan Respublikasına məxsus olan MVM Group arasında Azərbaycan Respublikası ərazində yerləşən "Şahdəniz" qaz-kondensat yatağı üzrə Hasilatın Pay Bölgüsü Sazişində SGC-nin 5% iştirak payının və "Şahdəniz" qaz-kondensat yatağından hasil olunan təbii qazın marketinqi və satışının həyata keçirilməsi məqsədilə yaradılmış Azerbaijan Gas Supply Company Limited ("AGSC") SGC-nin 4% səhminin satılmasına dair Alqı-satqı sazişi imzalanmışdır. Saziş Bakı Enerji Həftəsində bağlanıb”, - məlumatda deyilir.

Dənizə çıxışı olmayan Macarıstan, 2022-ci ildə Ukraynanın Rusiya tərəfindən işğalından sonra da təbii qazı əsasən Rusiyadan idxal etməkdə davam edib. 

Bu qaz yatağında payın əldə edilməsi "bizə (Macarıstan) enerji qiymətlərindəki böyük dalğalanmalardan qorunmağa imkan verəcək”, - Macarıstanın xarici işlər naziri Peter Siyarto bu gün Bakıda azərbaycanlı həmkarı ilə satınalmanı elan edən birgə mətbuat konfransında bildirib.

"Çünki Azərbaycan bizim enerji təchizatında yeni oyunçudur, bu vəziyyət bizə daha sabit enerji təchizatı, enerji təchizatının daha çox təhlükəsizliyi təmin edir”, - MVM-in bəyanatında bildirilib. 

Şahdəniz yatağı illik 29 milyard kubmetr (bcm) hasilatı ilə dünyanın ən böyük təbii qaz yataqlarından biridir.
Payın həcmi Macarıstana illik 1,5 milyard kubmetr təbii qaz tədarükü etməyə imkan verəcək. 

Macarıstan 2021-ci ildə imzalanmış 15 illik müqavilə çərçivəsində Rusiyadan ildə 4,5 milyard kubmetr qaz alır.

Bunu Macarıstan hökumətinin nümayəndəsi X sosial şəbəkəsində qaz yatağındakı payın "Macarıstanın qaza olan tələbatının əhəmiyyətli hissəsini təmin etdiyini” elan etdikdən sonra bildirib.

Siyarto əlavə edib ki, Macarıstan da bu il ilk dəfə olaraq Azərbaycandan 50 milyon kubmetr təbii qaz alır.


N.Təbrizli

www.anews.az