AXCP sədrinin müavini sərbəst buraxılıb - DİN/YENİLƏNİB
07.06.2024 14:28
Şirvan saxlanılan AXCP İdarə Heyətinin üzvü, partiya sədrinin müavini Ayaz Məhərrəmov sərbəst buraxılıb. Bu barədə Daxili İşlər Nazirliyinin (DİN) mətbuat xidmətindən məlumat verilib.
Onun barəsində qanunvericiləyə uyğun tədbir görülərək sərbəst buraxılıb.
***
AXCP İdarə Heyətinin üzvü, partiya sədrinin müavini Ayaz Məhərrəmovun Şirvanda saxlanılıb. Bu barədə DİN-in Mətbuat Xidmətindən məlumat verilib.
Bildirilib ki, iyunun 6-da saat 23 radələrində DİN-in "102 Zəng Mərkəzi”nə Şirvanda evlərin birinə oğurluq məqsədilə naməlum şəxsin daxil olması və bunun yaşayış sahəsində mövcud olan kameraya düşməsi ilə bağlı müraciəti daxil olub.
"Polis əməkdaşları tərəfindən çağırış üzrə həmin ünvanda olan şəxs saxlanılaraq Şirvan Şəhər Polis Şöbəsinə gətirilib. Araşdırmalarla həmin şəxsin Bakı şəhər sakini, əvvəllər dəfələrlə məhkum olunan, 1982-ci il təvəllüdlü Məhərrəmov Ayaz Həbib oğlu olması müəyyən edilib. Fakt üzrə araşdırma aparılır", - məlumatda qeyd olunub.
AXCP idarə heyətinin üzvü Fuad Qəhrəmanlı anews.az-a açıqlamasında bildirib ki, partiya rəhbərliyi Ayaz Məhərrəmovun həbsinin səbəbləri ilə bağlı araşdırma aparır.
"Ayaz Məhərrəmovun dünən Şirvanda oğurluq edərkən saxlanıldığı bildirilib. O, ali təhsilli hüquqşünasdır. Onun belə bir əmələ görə, saxlanılması tamamilə absurddur. O taksi fəaliyyəti ilə məşğul olub. Ola bilsin ki, onu həmin evə taksi olaraq çağırıb və oğurluq adı ilə saxlayıblar"- o bildirib.
"Ayaz Məhərrəmovun dünən Şirvanda oğurluq edərkən saxlanıldığı bildirilib. O, ali təhsilli hüquqşünasdır. Onun belə bir əmələ görə, saxlanılması tamamilə absurddur. O taksi fəaliyyəti ilə məşğul olub. Ola bilsin ki, onu həmin evə taksi olaraq çağırıb və oğurluq adı ilə saxlayıblar"- o bildirib.
Aytac Zeynalova
www.anews.az
Foto 
Video 
