Azərbaycanla 1 aya sülh müqaviləsi imzalamağa hazırıq - Mirzoyan

20.06.2024 22:42

Ermənistan Azərbaycanla yaxın bir ay ərzində sülh müqaviləsi imzalamağa hazır olduğunu bəyan edib. Bunu ölkənin xarici işlər naziri Ararat Mirzoyan deyib.

"İrəvan yaxın bir ay ərzində Bakı ilə imzalanacaq sülh müqaviləsi layihəsini başa çatdırmağa hazırdır. Ermənistan və Azərbaycan arasında sülh müqaviləsinin başa çatdırılması da çox vacibdir. Biz Azərbaycan tərəfinə çoxlu konstruktiv təkliflər göndərmişik və artıq təklif etdiyimiz kimi, yaxın bir ay ərzində sazişi yekunlaşdırıb bağlamağa hazırıq",- Mirzoyan Litvanın xarici işlər naziri Qabrielius Landsberqis ilə birgə mətbuat konfransında beynəlxalq və regional təhlükəsizlikdən danışarkən deyib.

Bundan əvvəl Azərbaycan Prezidenti İlham Əliyev Türkdilli Dövlətlərin Parlament Assambleyasına (TÜRKPA) üzv ölkələrin parlament rəhbərlərini qəbul edərkən deyib ki, Ermənistan Konstitusiyasını dəyişdirmədən Bakı ilə İrəvan arasında sülh müqaviləsinin bağlanması mümkün deyil.

Bundan əvvəl xarici işlər naziri Ceyhun Bayramov bildirib ki, bir gün öncə Ermənistanın Azərbaycanın sülh sənədi təklifinə verdiyi cavab sənədində bir sıra maddələr üzrə pozitiv inkişaf hiss edilir.

Bir neçə gün öncə Ermənistan baş naziri Nikol Paşinyan mətbuata bildirib ki, Ermənistan noyabra qədər sülh sazişinin imzalanması ideyası ilə razıdır.

Bundan öncə Ermənistan XİN Azərbaycan tərəfdən "Sülh müqaviləsi"nin 9-cu nəşri layihəsi ilə bağlı təkliflər aldığını deyib.

Bir neçə gün öncə Azərbaycan Prezidenti İlham Əliyev bildirib ki, Bakı və İrəvan sülh sənədini imzalamağa həmişəkindən daha yaxındır.

Aprelin 8-də Ermənistan Azərbaycan tərəfinin "Sülh müqaviləsi” layihəsi ilə bağlı son təkliflərinə cavab verdiyini açıqlayıb.

Bundan əvvəl Sülh sənədi ilə bağlı sonuncu təkliflər paketini Azərbaycan Ermənistana təqdim edib.

Azərbaycanla Ermənistan arasında hərbi əməliyyatlar 2020-ci ilin noyabrında dayandırılıb. Müvəqqəti olaraq Qarabağa Rusiya sülhməramlıları yerləşdirilib. Sülhməramlıların missiyası 2025-ci il başa çatır. 2023-cü ilin sentyabrında Azərbaycan Qarabağda lokal antiterror əməliyyatları keçirib. İşğaldan azad olunmuş ərazilərdə qalan separatçılar ağ bayraq qaldıdaraq təslim olub. Separatçıların saxta məmurları da həbs olunaraq Bakıya gətirilib.

Hazırda iki ölkə arasında sülh müqaviləsi istimqamətində danışıqlar davam etdirilir.

Gülnar Nazimqızı

www.anews.az

Xəbəri bəyəndiniz?

Sosial şəbəkələrdə paylaş