Putini tənqid edən Kara-Murzanı Navalnının aqibəti gözləyə bilər

Rusiyada Putin hakimiyyətinə müxalifətdə olan siyasətçi Vladimir Kara-Murzanın səhhəti hazırda nisbətən stabildir. Amma o, cəzasını islah koloniyasında çəkməyə mane olan ağır xroniki xəstəlikdən - polineyropatiyadan əziyyət çəkir. Bunu məşhur rusiyalı jurnalist və siyasətçi Kara-Murzanın vəkili Vadim Proxorov deyib.

Vəkil bildirib ki, siyasətçi tibbi müayinədən keçmək üçün Omsk vilayətindəki xəstəxanaya yerləşdirilib. Onun sözlərinə görə, hazırda müdafiə tərəfi transferin hansı zərurətdən həyata keçirildiyini dəqiqləşdirməyə çalışır. 


Bundan əvvəl media Kara-Murzanın həbsxana xəstəxanasına "tək nəfərlik kamerada” yerləşdirildiyini yazmışdı.

Bir gün əvvəl "Novaya qazeta”nın baş redaktoru, Nobel Sülh Mükafatı laureatı Dmitri Muratov Rusiya düşərgələrində ölə biləcək rusiyalı siyasi məhbusların hazırda Kiyevdə saxlanılan rus hərbi əsirləri ilə dəyişdirilməsi təşəbbüsü ilə çıxış edib.




www.anews.az