• $ 1.7
  • € 2.0054
  • ₽ 0.021663
  • ₺ 0.0427
  • £ 2.3364

İlham Əliyev Rəcəb Tayyib Ərdoğana başsağlığı məktubu göndərib

İlham Əliyev Rəcəb Tayyib Ərdoğana başsağlığı məktubu göndərib
15.07.2024 10:41
Prezident İlham Əliyev Türkiyə Respublikasının Prezidenti Rəcəb Tayyib Ərdoğana başsağlığı məktubu göndərib.


Məktubda deyilir:


"Hörmətli cənab Prezident,


Əziz Qardaşım,


15 İyul hadisələrinin səkkizinci ildönümündə dövlət çevrilişi cəhdinin qarşısının alınması yolunda canlarını qurban vermiş bütün şəhidlərimizin əziz xatirəsini dərin hörmət və ehtiramla yad edir, ailələrinə və bütün Türkiyə xalqına dərin hüznlə başsağlığı verirəm.


Qardaş Türkiyənin qan yaddaşına əbədi olaraq həkk olunmuş bu gecədə baş vermiş mənfur çevriliş cəhdi ölkənizin milli maraqlarına, demokratik əsaslarına və hüququn aliliyinə qəsd idi. Müdrik və mərd Türkiyə xalqı Vətən, dövlətçilik və demokratiya uğrunda qətiyyətlə mübarizə apararaq və sinəsini sipər edərək növbəti dəfə qəhrəmanlıq dastanı yazdı. Bu hadisələr ilə əlaqədar təsis edilmiş 15 İyul - "Demokratiya və Milli Birlik Günü” mətin xalqınızın həmrəylik, mübarizlik və milli birlik rəmzi olaraq daim yaşayacaq və əsrlər ötdükcə daha böyük qürurla xatırlanacaqdır.


Türkiyə dövlətçiliyinə qarşı yönəlmiş bu çevriliş cəhdinin dəf olunmasında və bununla da ölkənizi böyük faciələrdən xilas edilməsində şəxsən Sizin gördüyünüz təxirəsalınmaz qəti addımların və liderliyinizin xüsusi rolu olmuşdur. Xalqınız Sizin ətrafınızda sıx birləşərək dövlətinə, azadlığına və demokratiyasına sahib çıxmaqla dünyaya milli qürurunu, gücünü və sarsılmaz iradəsini bir daha sübut etdi.


Azərbaycan xalqı və dövləti ilk dəqiqələrdən bu xəyanəti şiddətlə qınamış və həmişə olduğu kimi qardaş Türkiyə dövlətinin və xalqının yanında yer almışdı. Bu bizim sevincimizi və kədərimizi birgə paylaşdığımız Türkiyəyə qardaşlıq və vəfa borcumuz idi.


Hörmətli cənab Prezident, bu yaxınlarda Sizinlə Astanada görüşümüzü, apardığımız ətraflı fikir mübadiləsini ən xoş təəssüratlarla xatırlayıram. Əminəm ki, dostluğa, qarşılıqlı etimad və dəstəyə əsaslanan Azərbaycan-Türkiyə əlaqələrini, çoxşaxəli əməkdaşlığını və strateji müttəfiqliyini genişləndirmək, dünyada bənzəri olmayan dövlətlərarası münasibətlərimizi daha da yüksək səviyyəyə qaldırmaq naminə birgə səylərimizi bundan sonra da uğurla davam etdirəcəyik.


Sizə möhkəm cansağlığı, işlərinizdə uğurlar, qardaş Türkiyə xalqına daim əmin-amanlıq və firavanlıq arzulayıram".

www.anews.az
Oxşar xəbərlər
Oxşar xəbərlər
Xankəndi şəhərində İqtisadi Əməkdaşlıq Təşkilatının 17-ci Zirvə görüşü keçirilir - CANLI
Siyasət 13:01
Xankəndi şəhərində İqtisadi Əməkdaşlıq Təşkilatının 17-ci Zirvə görüşü keçirilir - CANLI
Эрдоган прибыл в Азербайджан для участия в саммите ОЭС
Siyasət 12:22
Эрдоган прибыл в Азербайджан для участия в саммите ОЭС
Ərdoğan İƏT Zirvəsində iştirak üçün Azərbaycana gəlib
Siyasət 12:21
Ərdoğan İƏT Zirvəsində iştirak üçün Azərbaycana gəlib
Prezident Birləşmiş Ərəb Əmirliklərinin sənaye və qabaqcıl texnologiyalar nazirini qəbul edib
Siyasət 12:19
Prezident Birləşmiş Ərəb Əmirliklərinin sənaye və qabaqcıl texnologiyalar nazirini qəbul edib
Rusiya siyasətçisi Azərbaycan diasporunun fəaliyyətinin yoxlanılmasını tələb edib
Siyasət 12:08
Rusiya siyasətçisi Azərbaycan diasporunun fəaliyyətinin yoxlanılmasını tələb edib
Nazir parlamentdəki büdcə müzakirələrini yüksək qiymətləndirib
Siyasət 11:31
Nazir parlamentdəki büdcə müzakirələrini yüksək qiymətləndirib
Konstitusiya Məhkəməsinə təyin olunan yeni hakimlər Parlamentdə and içiblər
Siyasət 11:13
Konstitusiya Məhkəməsinə təyin olunan yeni hakimlər Parlamentdə and içiblər
Prezident İlham Əliyev Donald Trampı təbrik edib
Siyasət 11:04
Prezident İlham Əliyev Donald Trampı təbrik edib
İran Prezidenti Məsud Pezeşkian Azərbaycana səfərə gəlib
Siyasət 10:16
İran Prezidenti Məsud Pezeşkian Azərbaycana səfərə gəlib
Anews TV

Rəsmi Youtube kanalımız

Abunə ol