• $ 1.7
  • € 1.9697
  • ₽ 0.0208
  • ₺ 0.0419
  • £ 2.2692

Əliyev Bakıda Zəfər parkında aparılan tikinti işləri ilə tanış olub

Əliyev Bakıda Zəfər parkında aparılan tikinti işləri ilə tanış olub
24.07.2024 14:20
Azərbaycan Respublikasının Prezidenti İlham Əliyev Bakıda Zəfər parkında aparılan tikinti işləri ilə tanış olub.

"PMD Projects” şirkətinin direktoru Nəriman Topçubaşov parkda görülən işlər barədə dövlət başçısına məlumat verib.

Prezident İlham Əliyevin 2020-ci il dekabrın 3-də imzaladığı Sərəncamda Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi Zəfərin yaddaşlarda yaşadılması və ictimaiyyətə nümayiş etdirilməsi, şəhidlərimizin əziz xatirəsinin əbədiləşdirilməsi məqsədilə Bakıda Vətən Müharibəsi Memorial Kompleksinin və Zəfər Muzeyinin yaradılması tapşırılmışdı. Sərəncamdan dərhal sonra Vətən Müharibəsi Memorial Kompleksinin və Zəfər Muzeyinin layihələri hazırlandı və tikinti işlərinə başlanıldı.

2023-cü il sentyabrın 27-də Anım Günündə Prezident İlham Əliyev və birinci xanım Mehriban Əliyeva Bakıda inşası davam etdirilən Zəfər parkında olublar. Dövlətimizin başçısı və birinci xanım burada görülən işlərlə tanış olublar.

8 Noyabr prospektində inşa olunan Zəfər parkının ərazisi doqquz hektardan çoxdur.


Parkın girişində 44 tağ elementindən istifadə edilib. Tağlar Qələbəyə aparan rəmzi yolun başlanğıcını tərənnüm edir. İnşası davam edən tağın hündürlüyü 44 metr, eni isə 22 metrdir.


Parka keçid hissədə 8 Noyabr - Zəfər Gününü əks etdirən memorial abidə ucaldılacaq. Abidə Zəfər Gününü və sarsılmaz birliyi təcəssüm etdirəcək. Memorial abidənin ətrafında Qarabağ xalçalarındakı naxış və bəzək elementlərini əks etdirən yaşıllıq salınacaq.


Zəfər Muzeyinə park ərazisindən iki istiqamətdə giriş olacaq. Sahəsi 9 min 200 kvadratmetr olan muzeyin yan divarında Azərbaycanın ərazi bütövlüyü uğrunda şəhid olan əsgər və zabitlərin adları qeyd ediləcək.


Ziyarətçilər muzeyi gəzdikdən sonra park hissəsinə daxil ola biləcəklər. Zəfər parkında, həmçinin tematik bağça, kaskad tipli şəlalə, Qarabağ yaddaş bağçası və parka ümumi baxış nöqtəsi yaradılacaq. Parkın sonunda Azadlıq Bayrağı Meydanının inşası da nəzərdə tutulur.


Yaddaş bağçası parkın son hissəsində yaradılacaq. Bu hissəyə enən cığır hündür haşiyəli çiçək və yaşıllıqlarla əhatə olunacaq. Yaddaş bağçasının ətrafında istirahət guşələri yaradılacaq, oturacaqlar qoyulacaq. Su hövzəsinin mərkəzində isə Azərbaycan Bayrağı dalğalanacaq.

www.anews.az
Oxşar xəbərlər
Oxşar xəbərlər
Bakıda skuter sürən qadını maşın vurub öldürdü
Cəmiyyət 23:05
Bakıda skuter sürən qadını maşın vurub öldürdü
Vüqar Qurbanovdan yeni təyinatlar
Cəmiyyət 21:08
Vüqar Qurbanovdan yeni təyinatlar
Gürcüstanda saxlanılan Azərbaycan vətəndaşı ölkəyə gətirilib
Cəmiyyət 19:42
Gürcüstanda saxlanılan Azərbaycan vətəndaşı ölkəyə gətirilib
Azərbaycanda nadir xəstəlikdən əziyyət çəkən şəxslərə verilən dərmanların sayı artırılıb
Cəmiyyət 19:23
Azərbaycanda nadir xəstəlikdən əziyyət çəkən şəxslərə verilən dərmanların sayı artırılıb
Naxçıvanda ildə cəmi 7 nəfər ipoteka kreditindən yararlana bilir
Cəmiyyət 17:38
Naxçıvanda ildə cəmi 7 nəfər ipoteka kreditindən yararlana bilir
Maliyyə Nazirliyi bu il 27 vəzifəli şəxsi cərimələyib
Cəmiyyət 16:58
Maliyyə Nazirliyi bu il 27 vəzifəli şəxsi cərimələyib
bp Azərbaycanda bərpa olunan enerji sahəsində peşə bacarıqlarının inkişafına yönəli layihəni tamamlayıb
Cəmiyyət 16:20
bp Azərbaycanda bərpa olunan enerji sahəsində peşə bacarıqlarının inkişafına yönəli layihəni tamamlayıb
Rus bölməsi üzrə məktəbəqəbul göstəriciləri dəyişməz qalıb
Cəmiyyət 15:56
Rus bölməsi üzrə məktəbəqəbul göstəriciləri dəyişməz qalıb
Dövlət Turizm Agentliyi 13 milyon manat vəsaiti büdcəyə qaytarmayıb
Cəmiyyət 15:53
Dövlət Turizm Agentliyi 13 milyon manat vəsaiti büdcəyə qaytarmayıb
Anews TV

Rəsmi Youtube kanalımız

Abunə ol