Aİ öz dağıdıcı zərbəsini Zaqafqaziyaya yaymaq niyyətindədir - Rusiya XİN

"Biz dəfələrlə qeyd etmişik ki, Aİ öz dinc əsasını itirib və onun istifadə edə biləcəyi sülh potensialı yoxdur. Elə vaxtlar olub ki, Aİ ən azı sözlə desək, hansısa dinc, sabit vəziyyətə can atır, nəyisə gücləndirməyə, danışıqlar aparmağa çalışırdı. İndi göz qabağındadır ki, hansı qərarlar qəbul edilir, hansı sənədlər imzalanır. Aİ qarşıdurma kursunu qəbul edib və öz vətəndaşlarının maraqlarına deyil, ABŞ və NATO-nun maraqlarına xidmət edir. Avropa İttifaqının Ermənistan silahlı qüvvələrinə dəstək üçün 10 milyon avro göndərmək planlarının arxasında təbii ki, Aİ-nin bu regiona, yəni Zaqafqaziyada destruktiv təsirini yaymaq üçün geosiyasi hesablamaları var. Əminik, hətta göz qabağındadır, bunu Ukraynanın timsalından da görmək olar”, - Zaxarova deyib. 

 

Bir gün əvvəl Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrell deyib ki, Avropa İttifaqı Ermənistana Avropa ölkələrinə vizaların liberallaşdırılması üçün yaşıl işıq yandırıb.

 

Borell həmçinin Ermənistana 10 milyon avro ayırdığını da açıqlayıb. 

 

Bundan əvvəl Ermənistanın baş naziri bildirib ki, Avropa İttifaqına daxil olmaqları üçün ölkədə referendum keçirilə bilər. Bu məsələ müvəqqəti olaraq dayanıb. Prosesin hansı zamanda baş verəcəyi açıqlanmır. 

 

Gülnar