Harris İsraili dəstəkləyib
31.07.2024 03:18
İsrailin öz ərazisinin təhlükəsizliyini Livan Hizbullah hərəkatının terrorundan qorumaq hüququ var. Bunu iyulun 30-da ABŞ-ın vitse-prezidenti və prezidentliyə namizəd Kamala Harris İsrail Müdafiə Qüvvələrinin (IDF) Beyrutdakı Hizbullah hədəflərinə endirdiyi zərbəni şərh edərkən deyib. Bu barədə "The Times of Israel” yazıb.
"İsrailin özünü müdafiə etmək hüququ var və mən birmənalı olaraq İsrailin təhlükəsizliyini müdafiə etmək hüququnu dəstəkləyirəm. Xüsusilə, bildiyimiz kimi, onun özünü terror təşkilatlarından, yəni Hizbullahdan müdafiə etmək hüququ var”, - Harris bildirib.
O həmçinin bildirib ki, gələcəkdə oxşar hücumların qarşısını almaq üçün diplomatik təmaslardan istifadənin zəruridir.
İsrail ordusu Beyruta zərbələr endirib. Onların hədəfi 12 israilli uşağın öldürüldüyü Colan təpələrindəki Druzilərin Məcdəl Şəms kəndini atəşə tutan Hizbullah komandirlərindən biri olub.
"İsrail Müdafiə Qüvvələri Beyrutda Məcdəl Şəmsdə uşaqların qətlinə və daha bir çox mülki İsrail vətəndaşının öldürülməsinə görə məsuliyyət daşıyan komandirə qarşı hədəfli zərbə endirib", - İsrail ordusunun mətbuat xidmətinin bəyanatında bildirilib.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
