ABŞ administrasiyası İsrail hökumətinə Haniyəni öldürdüyü üçün qəzəblənib

 

Qəzetin həmsöhbətləri bildiriblər ki, ABŞ prezidenti Co Bayden administrasiyasının rəsmiləri Həniyənin iyulun 31-də öldürülməsinə təəccüb və qəzəblə reaksiya verib və bunu Qəzza zolağında atəşkəsi təmin etmək üçün aylarla davam edən səylərində uğursuzluq kimi qiymətləndiriblər.

Qəzetə görə,  ABŞ rəsmiləri həmçinin İsrailin Vaşinqtona xəbər vermədən dəfələrlə Hizbullah və İran komandirlərinə zərbələr endirməsindən də hiddətlənib.

Analitiklər Haniyənin Qətərdə yaşadığını və xaricə səyahət etdiyini qeyd edərək, "İsrailin baş naziri Benyamin Netanyahunun Tehranda olarkən HƏMAS liderini öldürməyə niyə üstünlük verməsi" sualını gündəmə gətirir.

"Əgər sizin məqsədiniz müqaviləni başa çatdırmaq idisə, onda niyə bunu Haniyə ilə indi və iranlıları cavab verməyə məcbur edəcək şəkildə etdiniz? - nəşr ABŞ-ın İsraildəki keçmiş səfiri Dennis Rossdan sitat gətirir.

"The Washington Post”un sitat gətirdiyi anonim İsrail rəsmisi Netanyahu ilə Bayden arasında keçən həftə telefon danışığının "gərgin” olduğunu təsdiqləyib.

Ötən həftə HƏMAS siyasi bürosunun rəhbəri İsmayıl Haniyənin Tehranda və Hizbullah lideri Həsən Nəsrullahın baş müşaviri Fuad Şükrün Beyrutda öldürülməsindən sonra Yaxın Şərqdə vəziyyət kəskin şəkildə pisləşib.

 

İran və Hizbullah onların ölümlərinin qisasını alacaqlarına söz veriblər.