Putin Şoyqudan Azərbaycana səfəri ilə bağlı hesabat verməsini tələb edib
07.08.2024 18:40
Rusiya prezidenti Vladimir Putin Təhlükəsizlik Şurasının iclasında Təhlükəsizlik Şurasının rəhbəri Sergey Şoyqudan İran və Azərbaycana səfərlərinin nəticələri barədə məlumat verməsini istəyib.
Çərşənbə axşamı Bakıda Şoyqu Azərbaycan Prezidenti İlham Əliyev, eləcə də Azərbaycan Prezidenti yanında Təhlükəsizlik Şurasının katibi Ramil Usubov ilə görüşüb.
Ukrayna ordusunun Kursk vilayətində Rusiya Federasiyasının dövlət sərhədini pozması Ukraynanın "növbəti genişmiqyaslı təxribatıdır”, - Rusiya prezidenti Vladimir Putin hökumətlə görüşdə deyib.
Onun sözlərinə görə, Ukrayna qoşunları "mülki binalara, yaşayış binalarına və təcili yardım maşınlarına müxtəlif növ silahlardan, o cümlədən raketlərdən atəş açır”.
Görüşün əsas mövzusu Ukrayna qoşunlarının Kursk vilayətinə daxil olmasıdır.
"Kursk vilayətinin qubernatoru vəzifəsini icra edən şəxslə söhbətim nəticəsində bir sıra mülki idarələrə rayon sakinlərinə lazımi köməklik göstərilməsi üçün göstərişlər verilib. Mən də hökumətdən xahiş edirəm ki, bununla təcili məşğul olsun. Rusiya baş nazirinin birinci müavini Denis Manturovdan xahiş edirəm ki, birinci mərhələdə bu işi koordinasiya etsin”, - Putin görüş zamanı bildirib.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
