Kanadanın xarici işlər naziri Azərbaycanı yenidən ittiham edib

"Kanada Azərbaycana Ermənistanla münaqişənin danışıqlar yolu ilə, dinc, siyasi vasitələrlə, "özbaşına saxlanılan erməni məhbusları" azad etməklə, Ermənistanın "ərazi bütövlüyünə hörmət etməklə", Ermənistanla münaqişənin həllinə "vicdanla" yanaşmaq üçün təzyiq göstərməyə davam edəcək", - nazir bildirib. 

 

Coli bundan əvvəl də Azərbaycana qarşı bir neçə dəfə qərəzli fikirlər səsləndirilib. 

 

Rəsmi Bakı ona cavab olaraq bildirib ki, Kanadanın Azərbaycanla təhdid dilində danışması olduqca yanlışdır və heç bir tərəfə uğur gətirə bilməz.

Bundan əvvəl Kanada Qarabağdan gedən erməni vətəndaşlar üçün 3,9 milyon dollar "yardım" ayırıb. 

 

Bundan əvvəl Kanada müxalifəti və Avropa İttifaqının 60 deputatı Qarabağda baş verən son proseslərə görə Azərbaycanı ittiham edərək ölkəyə qarşı sanksiyaların qoyulmasını təklif edib. 
 
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov sentyabrın 20-də XİN-də keçirilən brifində deyib ki, Azərbaycan əlehinə çağırışlar edən beynəlxalq təşkilatlar qıcıqlandırıcı fikirlərdən yayınmalıdır. 

 

Gülnar Nazimqızı