HƏMAS-ın yeni lideri İsraillə saziş bağlamaq arzusunu ifadə edib
12.08.2024 10:45
Fələstinin HƏMAS hərəkatının yeni lideri Yəhya Sinvar Qəzza zolağında hərbi əməliyyatlara son qoymaq üçün İsraillə saziş bağlamaq arzusunu ifadə edib. Bu barədə CNN adının açıqlanmayan İsrail nümayəndəsinə istinadən xəbər verir.
"Sinvar razılığa gəlmək istəyir, ən azı bu yaxınlarda Misir və Qətər vasitəçilərinin İsrail rəsmilərini məlumatlandırdıqlarıdır”, - deyə telekanal bildirir.
Eyni zamanda, CNN-in həmsöhbətlərindən biri bildirib ki, İsrailin baş naziri Binyamin Netanyahunun razılığa gəlməklə bağlı mövqeyi qeyri-müəyyən qalacaq.
"Heç kim Netanyahunun nə istədiyini bilmir” deyə telekanal İsrail nümayəndəsinin sözlərindən sitat gətirir.
Bununla belə, CNN mənbələrinin məlumatına görə, Netanyahunun müttəfiqləri jurnalistlərə bildiriblər ki, İsrailin baş naziri onun hakim koalisiyası üçün nəticələrindən asılı olmayaraq sövdələşməyə hazırdır.
N.Təbrizli
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
