Türkiyədə meşə yanğınları ilə bağlı 6 nəfər saxlanılıb
17.08.2024 08:22
Türkiyənin İzmir şəhərinin Karşıyaka rayonunda baş verən yanğının səbəbi bilinib.Bu barədə Türkiyənin kənd və meşə təsərrüfatı naziri İbrahim Yumaklı bildirib.
Onun sözlərinə görə, yanğın üç nəfərin piknik məqsədilə getdikləri ərazidə yandırdıqları tonqal səbəbindən baş verib.
"Təəssüf ki, İzmirin Ödemiş bölgəsindəki yanğına otluq sahədə siqaret çəkən iki nəfər səbəb olub. Onlar da saxlanılıb”, - deyə nazir bildirib.
Ölkə üzrə baş verən bütün yanğınlarda insan tələfatı olmayıb. Lakin, İzmirin Yamanlar rayonunda baş verən yanğın yaşayış sahəsinə yaxın olduğundan 17 ev yanıb, 105 ev və 44 iş yeri boşaldılıb.
İbrahim Yumaklının verdiyi məlumata görə isə, yanğın hadisələrinə görə 6 nəfər həbs edilib,daha 3 nəfər isə axtarışa verilib.
www.anews.az
Oxşar xəbərlər
Oxşar xəbərlər
Foto 
Video 
