Durovun həbsindən sonra Mask təhlükə altındadır- Politoloq
26.08.2024 13:32
Telegram sosial şəbəkə yaradıcısı Pavel Durovun həbsindən sonra biznesmen İlon Mask-da təhlükə altındadır. Bu barədə Lenta.ru rusiyalı politoloq Sergey Stankeviçə istinadən yazıb.
O bildirib ki, İlon Mask öz təhlükəsizliyi və Avropa İttifaqına səfərləri barədə düşünməlidir. İstənilən ciddi internet platformasının sahibi və ya operatoru Avropaya səyahət etməzdən əvvəl iki dəfə düşünməlidir. Xüsusilə, Durovun başına gələnlər birbaşa Mask üçün təhdid deməkdir.
Politoloqun sözlərinə görə, Durovun Fransada həbsi onların Telegram sosial şəbəkə üzərində nəzarət yaratmaq istəyi ilə bağlı ola bilər.
Fransada məhkəmə Pavel Durovun həbs müddətini 48 saat uzadıb.
Bildirilib ki, həbs maksimum 96 saat davam edə bilər, bundan sonra hakim ya onu azad etməli, ya da Durova qarşı ittiham irəli sürməlidir.
Avqustun 24-ü axşam saatlarında Fransa mediası Telegram-ın qurucusu Pavel Durovun Fransaya çatan kimi Le Burje hava limanında həbs edildiyi barədə məlumat yayıb. O, dindirilib və nəzarətə götürülüb. Durov Azərbaycandan şəxsi təyyarə ilə gəlib.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
