4 il sonra bu ölkədə qadınlar məcburi hərbi xidmətə gedəcək
27.08.2024 13:34
2028-ci ildən Latviyada qadınlar da məcburi hərbi xidmətə cəlb edilə bilər. Bu barədə Tacc agentliyi ölkənin Müdafiə Nazirliyinə istinadən yazıb.
Müdafiə naziri izah edib ki, bu vaxta qədər hökumət "bir sıra hazırlıq işləri” görməlidir.
O qeyd edib ki, əvvəlcə bu məsələ ilə bağlı "siyasi müzakirə” aparılmalıdır.
O zaman hərbi xidmətə gedən qadınlar üçün lazımi geyim, avadanlıq, avadanlıq ehtiyatı yaratmaq lazımdır.
Spruds-un məlumatına görə, artıq Latviyanın Milli Silahlı Qüvvələrinə (MQQ) müvafiq əmrlər verilib.
Dünyada bir neçə ölkə qadınları məcburi hərbi xidmətə cəlb edir.
İsraildə yaşı 18 olan həm qadınlar, həm də kişilər 2 illik hərbi xidmətə çağrılır. Norveçdə 2015-ci ildən etibarən kişilərlə yanaşı qadınlar da məcburi hərbi xidmətə cəlb olunur. Şvetsiya 2017-ci ildən qadınları da hərbi xidmətə çağırır. Danimarkada isə qadınların hərbi xidmətə getməsi məcburi yox könüllülük əsasında həyata keçirilir.
Gülnar Nazimqızı
www.anews.az
Oxşar xəbərlər
Oxşar xəbərlər
Foto 
Video 
