60 manata yaradılan şirkət iki milyon manata yaxın tenderin qalibi oldu
19.09.2024 09:50
Təhsil Nazirliyi Nəzdində Təhsil Sisteminin İnformasiyalaşdırması İdarəsi 15 xidmətin alınmasına 1.804.999,98 AZN vəsait xərcləyəcək. Bu barədə tenderlərlə bağlı rəsmi elan saytında məlumat yerləşdirilib.
Ödənilən məbləğ çərçivəsində yeni informasiya sistemlərinin yaradılması və mövcud informasiya sistemlərində təkmilləşdirilməsi nəzərdə tutulur.
Tenderin qalibi "EDUMEDİA-AZƏRBAYCAN" MMC-dir.
Qalib şirkət 2011-ci il dövlət qeydiyyatına alınıb və nizamnamə kapitalı 60 manatdır.
"Edumedia-Azərbaycan” MMC 2023-cü ili 2 milyon 751 min manat mənfəətlə başa vurub. Hesabat dövründə "Edumedia-Azərbaycan”ın cəmi aktivləri 4 milyon 602 min manat, cəmi öhdəlikləri 248 min manat, cəmi kapitalı isə 4 milyon 354 min manat olub.
Aytac
www.anews.az
Foto 
Video 
