Ermənistan parlamentinin spikeri deputatı suçlayan bəyanat verib

"Baş nazir gəlib Əliyevlə görüşün təfərrüatlarını bizimlə bölüşür, dövlət sirri təşkil edən məlumatları paylaşır, amma o, bunları ictimailəşdirir. Bu normaldırmı? Biz bir ildən çoxdur ki, məlumatların haradan sızdığını anlamağa çalışırıq. Partiya məsələlərinə gəldikdə, bu bir tərəfə, amma söhbət Ermənistanın təhlükəsizliyindən gedirsə, bu, yolveriləndirmi?” – Simonyan vurğulayıb.

O həmçinin qeyd edib ki, əvvəlki dövrlərdə Azərbaycanla danışıqlar bəzən razılaşmaların pozulması və məlumat sızmaları səbəbindən uğursuzluğa düçar olub və münasibətlər gərginləşib.

"Bir müddət əvvəl elə hallar olub ki, danışıqlar pozulurdu, münasibətlər gərginləşirdi. Bunun səbəbi isə, şərti olaraq desək, bizim razılaşmaları pozmağımız, yüksək səslə bəzi məsələləri müzakirə etməyimiz və məlumat sızmalarına yol verməyimiz idi. Bundan sonra get və sübut et ki, fraksiya üzvü müsahibəni qəsdən deyil, səhvən verib və ya məlumatı təsadüfən ötürüb,” –  spiker əlavə edib.