Cənubi Qafqaz üzrə xüsusi nümayəndə Azərbaycana gəldi

Avropa Birliyinin Cənubi Qafqaz və Gürcüstandakı böhranlar üzrə xüsusi nümayəndəsi Filipp Lefort Azərbaycana gəlib.Bu barədə APA-ya AB-nin Azərbaycandakı nümayəndəliyindən məlumat verilib.  Xüsusi nümayəndə səfər zamanı Azərbaycan rəhbərliyi ilə görüşlər keçirəcək. Azərbaycanla AB arasında münasibətlərin inkişafı və Dağlıq Qarabağ münaqişəsinin həlli müzakirə olunacaq. Qeyd edək ki, F. Lefort xüsusi nümayəndə qismində missiyasını başa vurur. Hazırda onun yerinə namizədlər arasından seçim aparılır. Fransalı diplomat 2011-ci ilin avqustunda bu vəzifəyə təyin olunub. ANN.Az